Wararka ka imaanaya degmada Ceel-afwayn ee gobolka Sanaag ayaa sheegaya in mudaaharaadyo ballaaran oo looga soo horjeedo dil ay gaysteen maleeshiyaad ka tirsan maamulka ashahaada la dirirka ah ee isku magacaabay Somaliland ay ka dhaceen gudaha degmadaas.
Ilo wareedyo ku sugan degmadaasi ayaa soo sheegay in askarta maamulka Riddada ah ee ku sugan degmadaasi ay si bareer ah u dileen qof shacab ah, taas oo dhalisay kacdoon dadweyne oo ka dhan ah maamulka uu fadhigiisu yahay Hargaysa.
Dadweynaha ku dhaqan degmadaasi Ceel-afweyn ayaa isku soo bax ballaaran oo ay kaga dhiidhinayaan ficillada foosha xun ee maleeshiyaadka murtadiinta ka dhigay waddooyinka magaalada, iyagoo ku qaylinayay erayo ka dhan ah maamulka isku magacaabay Somaliland.
Sawirro iyo muuqaallo laga soo qaaday goobta ay dibadbaxyadu ka socdaan ayaa muujinayay carada dadweynaha waxaana la arkayay dadka kacdoon wadeyaasha ah oo waddooyinka ku gubaya taayerrada.
Ma ahan markii ugu horraysay oo ay maleeshiyaadka maamulka isku magacaabay Somaliland qof shacab ah ku dilaan degmada Ceel-afwayn, balse waxay tani ka mid tahay dilalka joogtada ah ee uu maamulkan ku hayo shacabka ku dhaqan deegannada uu ka arrimiyo.
About The Author
