Wararka ka imaanaya dalka Maali waxey sheegayaan in saacadihii lasoo dhaafay weerar fashilmay ciidamada iyo dayaaradaha dowlada Nasaarada Faransiiska ay ka geysteen deegaan dhaca Waqooyga dalkaasi.
Weerarkan waxey xilli habeen ah diyaaradaha iyo askarta dowlada Nasaarada Faransiiska ku qaadeen deegaanka Waadiga Tiin Beydan ee Waqooyga dalka Maali,iyadoona faahfaahino dheeraad ah ay kasoo baxayaan weerarkaasi fashilmay.
Weerarkan waxey ciidamada Nasaarada Faransiiska ku doonayeen iney kusoo furtaan Kow iyo Toban askari oo ka tirsan maleeshiyaatka xukuumada daba dhilifka Maali kuwaasi oo in muddo ah iyagoo maxaabiis ah gacanta ugu jiray Mujaahidiinta Jamaacada U Gargaaridda Islaamka iyo Muslimiinta.
Diyaaradaha Faransiiska ayaa inta aysan soo dagan ciidamada Nasaarada Faransiiska waxey duqeeyeen goobtii lagu hayay askartaasi Maxaabiista ah iyagoona labo Fuusto oo laga soo buuxiyay waxyaabaha qarxa ku garaacay goobtaasi.
Duqeynta kadib waxaa goobta si qarsoodi ah ugu soo dagay ciidamo ka tirsan Nasaarada Faransiiska balse waxey ciidamadaasi iska caabin iyo dagaal xoogan kala kulmeen ciidamada Mujaahidiinta Jamaacada U Gargaaridda Islaamka iyo Muslimiinta gaaar ahaan raggii ku qornaay ilaalinta maxaabiistaasi.
War rasmi ah oo kasoo baxay Jamaacada U Gargaaridda Islaamka iyo Muslimiinta ayeey ku faahfaahisay Jamaacada weerarka fashil may ee goobta ka dhacay iyo sida ay wax u dhaceen.
Qoraalkan oo ay baahisay Mu,asasada Az-zallaaqah ee garabka Warbaahineed ee Jamaacada U Gargaaridda Islaamka iyo Muslimiinta ayaa lagu xaqiijiyay in duqeyntii diyaaradaha Faransiiska goobta ka geysteen ay gabi ahaan ku dhinteen Kow iyo Tobankii askari ee xukuumada daba dhilifka Maali kuwaasi oo iyagoo maxaabiis ah gacanta ugu jiray Mujaahidiinta.
Sidoo kale waxaa qoraalkan lagu xusay in Saddex Mujaahid oo ilaalo ka hayay maxaabiistaasi ay ku shahiideen dagaal culus oo ay la galeen ciidamadii Nasaarada Faransiiska ee goobta kasoo dagay,waxeyna warar kale sheegayaan iney jirto khasaara askarta Faransiiska lagu gaarsiiyay dagaalka ka dhacay Waqooyga Maali.
Calamada.com
About The Author
