Wararka ka imaanaya Magaalada Marka Ee Wilaayada Shabeelada Hoose ayaa xaqiijinaya in doon siday ciidamo, saraakiil iyo hub milliteri oo katirsan dowladda federaalka ay ku degatay badda.
Doontan ayaa kasoo baxday magaalada Muqdisho, waxayna gurmad ciidan u waday askarta dowladda federaalka ee jooga magaalada Marko oo ah xarunta gobolka Shabeellaha hoose.
Saraakiil katirsan ciidamada dowladda federaalka ayaa xaqiijiyay doonta degatay, iyagoo sheegay iney saaranyihiin askar, iyo saraakiil muhiim u ah dowladda federaalka.
Saraakiisha saaran doonta degatay ee aan illaa iyo hadda la ogeyn xaalkeeda waxaa kamid ah taliyaha ciidamada dowladda federaalka ee jooga magaalada Marko ninka oo lagu magacaabo Axmed Cabdi Cali oo ku caan ah Axmed Gaashaan.
Xogo la helayo waxay tibaaxayaan in dhamaan askarta iyo saraakiisha saarnaa doonta aaney aqoon dabaal, taas oo halis gelin karta noloshooda.
Sababta keentay in ciidamada dowladda iyo saraakiishooda ay isticmaalaan badaha ayaa ah iyagoo ka baqaya iney weeraro kala kulmaan ciidamada Xarakada Mujaahidiinta Al-Shabaab, haddii ay isticmaalaan wadooyinka isku xira magaalooyinka ay ka joogaan gobollada Soomaaliya.
About The Author
