Wararka ka imaanaya magaalada Kismaayo ee xarunta Jubbada Hoose ayaa sheegaya in dabaylo xooggan oo ka jira xeebaha gobolkaasi, ay sababeen in la waayo dooni iyo dadkii la socday, xilli maalmihii lasoo dhaafay dabaylo aad u xooggan laga soo sheegayay xeebaha.
Kalluumeystada ka jillaabta xeebaha magaalada Kismaayo iyo deegaannada kale ee gobolka Jubbada hoose ayaa soo sheegay in la waayay dooni iyo saddex qof oo saarnaa, taas oo markii ay cidi ugu war dambeysay ku sugnayd xeebaha magaalada Kismaayo.
Sababa keenay in doonida iyo dadkii saarnaaba la waayo ayay kalluumeysatadu ku sheegeen dabeylaha xooggan ee xilligan ka jira xeebaha gobolka jubbada hoose, inta badan dabeylahan ayaa ka dhasha is bedelka cimillada, waxayna badi saameeyaan kalluumeystada iyo noolaha ku jira guda badda.
About The Author
