Xilli gaalada caalamku ku fashilantay inay maalgeliso isbahaysiga ciidamada kuffaarta Afrikaanta ee loo bixiyay AUSSOM, ayay dowladaha Afrikaanta ah ee ciidamadoodu duullaanka saliibiga ah ku joogaan Soomaaliya dalbanayaan bixinta lacago malaayiin Dollar oo uu dayn ahaan u qaatay taliska ciidankaas.
Warbixino soo baxaya ayaa sheegaya in dowladaha ku bohoobay isbahaysiga kuffaarta Afrikaanta ay codsadeen in la bixiyo lacag dhan $93.8 milyan, taasi oo ah lacag dayn ah oo lagu leeyahay taliskii hore ee Atmis, lacagahaas oo la sheegay in lagu bixiyay mushaaraadka iyo kharashaadka kale ee ciidankaasi kuffaarta ah.
Dowladahan loo yaqaan (Troop Contributing Countries), loona soo gaabiyo TCC oo markii hore sugayay in maalgelin rasmi ah loo helo isbahaysiga (Aussom), ayaa imika muujiyay niyad jab xooggan, waxayna kusoo uruureen kaliya inay codsadaan bixinta lacagaha daynta ah ee lagu leeyahay Atmis, oo ah magaca laga guuray ee isbahaysigan.
Waxay gaalada caalamka uga digeen in lacagaha daymaha ah ee is biirsaday ay khatar gelinayaan joogitaanka ciidamadooda ku sugan gudaha Soomaaliya iyo howlgelinta isbahaysiga cusub ee AUSSOM, maadaama aan maalgelin loo helin howlgalka cusub, halka weli lagu leeyahay ku dhawaad $100 milyan, oo ah daynta howlgalkii hore ee Atmis.
Warbixinnadu waxay sheegayaan in lacagaha lagu leeyahay isbahaysigan oo ka kooban $93.8 milyan oo Dollar Atmis lagu yeeshay intii u dhaxayso 2022, ilaa 2024, waxayna lacagaha ukala qaateen $34.5 milyan oo lagu leeyahay Uganda, Kenya oo lagu leeyahay lacag dhan $15.7 milyan, Itoobiya oo ay ku maqan tahay lacag dayn ah oo dhan $17.2 milyan, Burundi oo isticmaashay dayn dhan $18.1 milyan iyo dowladda Riddada Jabuuti oo ay ku baxday $8.3 milyan.
Wararku waxay intaas ku darayaan in lacagaha daymaha si wayn looga doodi doono shir ka dhici doono caasimadda dalka Qadar ee Dooxa oo isaga laftiisa aan rajo badan laga qabin, waxayna khubaro dhanka amaanka ah sheegeen in deymahan isbiirsaday ay saameyn wayn ku yeesheen howlgalka ciidamada kuffaarta Afrikaanta ee Somalia.
Waxay tani kusoo beegmaysaa, xilli dhowaan uu fashilmay shir udhaxeeyay golaha ammaanka ee gaalada midowday, kaasi oo la doonayay in lagu xalliyo kala aragti duwanaanta ku aaddan maalgelinta isbahaysiga cusub ee AUSSOM, balse waxay natiijadu noqotay in la isku fahmi waayo dhaqaalaha ku baxaya isbahaysigaasi.
About The Author
