Dowladda Itoobiya ayaa ku dhawaaqday in ay xirtay mid kamida xabsiyada ugu sumcadda xun caalamka kaasi oo lagu xiri jiray dadka mucaaradsan nidaamka kaligii taliska ah ee kajira magaalada Addis Ababa.
R/wasaaraha Itoobiya ayaa sheegay in ay xirayaan xabsiga loona badeli doono matxaf qaran, maanta oo khamiis ah ayay dowladad Itoobiya sii daysay Omar Dr Merera Gudina oo ah hoggaamiyaha ugu shacbiyadda badan kooxaha mucaaradka.
Omar ayaa kasoo jeeda qowmiyadda Oromada oo ah qowmiyadda ugu tirada badan dadka Itoobiya islamarkaana hoggaaminaysa kacdoonka shacbi ah ee soo billaawday sanaddii 2016.
Ciidamada Booliska Itoobiya ayaa siyaasi Omar Dr Merera Gudina xabsiga u taxaabay sanaddii 2016 xilligaas oo uu si xowlli ah wadanka uga socday kacdoonka dhiigga badan ku daatay ee gilgilay tiirarka nidaamka Xabashida.
Saraakiisha mucaaradka waxay sheegayaa in sii deysmada hoggaamiyahan uu ka dhiganyahay qorshe kale oo dwladda Itoobiya ku doonayso in ay dhinac isaga riixdo dalabyada ah in isbedel uu wadanka ka dhaco waxaana dhici karta ayay yiraahdeen in Omar Dr Merera Gudina loo adeegsado kacdoonka ay qowmiyadda uu kasoo jeedo ee Oromada ay ka waddo gobolka Oromia.
About The Author
