Iyadoo maalmihii u dambeeyay ay Mujaahidiintu sare u qaadeen howlgaladooda ka dhanka ah ciidamada saliibiyiinta Kenya ee degan deegaannada dhulka N.F.D ee ay Kenya xoogga ku haysto, ayay dhanka kale dowladda kaafiradda ee Kenya ciidamo badan kusoo daabushay magaalooyin dhaca soohdin beenaadka ay wadaagaan Soomaaliya iyo Kenya.
Wargayska The Star ee kasoo baxa waddanka Kenya oo soo xiganayo ilo wareedyo maxalli ah ayaa sheegay, in askar badan oo Kenyaan ah lagu daabulay saddex gobol oo ka tirsan dhulka muslimiinta N.F.D, kuna teedsan soohdin beenaadka ay Kenya la wadaagto Soomaaliya.
Dadka ku sugan gobolka N.F.D ayaa soo sheegay inay arkayeen ciidamo badan oo ku qalabaysan gaadiidka dagaal, oo dowladda Kenya soo dhoobtay magaalooyinka Wajeer, Gaarissa iyo Mandheera, si ay u adkeeyaan ammaanka magaalooyinkan.
Wargayska The Star ayaa sababta ka dambeysa in ciidamo fara badan oo dheeraad ah ay xukuumadda kaafirada ah ee Nairobi kusoo daabusho dhulka NFD ku sheegay ,inay tahay walaaca iyo cabsida ay dowladda Kenya ka qabto inay dhacaan weeraro hor leh oo kaga yimaada ciidamada Mujaahidiinta Al-shabaab.
Tallaabadan ay qaaday dowladda Kenya ayaa kusoo beegmayso, xilli maalmihii lasoo dhaafay ay ciidamada Mujaahidiinta ee ka howlgala gudaha dalka Kenya ay kordhiyeen howlgaladooda ka dhanka ah saliibiyiinta Kenya.
Weerarkii ugu dambeeyay ee ay Mujaahidiintu ka fuliyeen gobolkan ayaa ka dhacay saldhig ciidan, oo saliibiyiinta Kenya ay ka kaga suganyihiin degaanka Shangaani ee gobolka Laamu, weerarkaas oo inta la xaqiijiyay ay Allaah fadligii ku dhaawacmeen 4 askari oo Kenyaati ah halka uu dab xooggan qabsaday xerada ciidanka Kenya ee ay Mujaahidiintu weerareen.
About The Author
