Dowladda Saliibiyadda ah ee Kenya ayaa walaac xooggan ka muujisay awoodda sii kordhaysa ee mujaahidiinta Bariga Afrika, iyadoo si weyn uga qaylo-dhaamisay rajo-xumo ay ka muujisay masiirka duullaanka saliibiga ah ee lagu soo qaaday dalka Soomaaliya.
Wasiirka Arrimaha Dibadda ee maamulka Nairobi, saliibiga lagu magacaabo Musalia Mudavadi (Musaaliya Muudafaadi), ayaa ka digay in haddii Kuffaarta caalamku ay faraha kala baxaan Soomaaliya, uu Geeska Afrika halis ugu jiro in uu galo gacanta Mujaahidiinta Al-Shabaab.
Isagoo ka hadlayay shirka waxa loogu yeero Golaha Guud ee uru-gaalleedka Qaramada Midoobay oo ka socda magaalada New York, ayuu Gaalkani si weyn uga dhex calaacalay, waxaanu sheegay in dhowr dal oo Kenya ay ka mid tahay uu soo fuulay culays xooggan oo kaga imanaya dagaalka Mujaahidiinta Al-Shabaab, xilli Gaallada caalamkuna ay ka daashay ayuu yiri sii-wadista duullaankan saliibiga ah ee lagu qaaday dalka Soomaaliya.
Mar uu Wasiirku arrintan ka hadlaya ayaa waxa uu yiri “Waxaa jira daal caalami ah oo sii kordhaya. Taageerada beesha caalamkuna si weyn ayay hoos ugu dhacday, dalalka sida Kenya oo kalena waxaa lagu reebay inay keligood qaadaan culayska weyn ee dagaalkan”
Sidoo kale kulan labo geesood ah oo ay wada yeesheen Wasiirka Arrimaha Dibadda Kenya iyo Wasiirka Arrimaha Dibadda Qubrus, ayaa Gaal Musaaliya Muudafaadi ka sanqariyey in ka bixitaan kasta oo Kenya ay samayso ay dhalin karto firaaq amni oo halis ah, sida uu sheegay Wargeyska The Star oo kasoo baxa dalka Kenya.
Qaylo-dhaanta kasoo yeeraysa maamulka Saliibiga ah ee Nairobi ayaa imaanaya xilli Mujaahidiinta Al-Shabaab ay hawl-gallo xooggan oo si weyn ay ugu naafeeyeen ciidamad Kenya ay ka wadaan gudaha dhulka ku hoos-jira gumaysiga dawladda Kenya.
About The Author
