Diyaarad kuwa duuliya la’aanta ah oo ay leedahay dowladda Maraykanka ayaa maanta galinkii danbe gantaal ku dhufatay guri ku yaalla deegaanka kuunyo Barrow oo katirsan gobalka shabeelaha hoose.
duqeynta ayaa gaysatay qasaaro soo gaaray dad rayid ah oo ku sugnaa Griga iyo burbur hanti.
wariyayaal katirsan idaacada Alfurqaan oo tagay bartii uu ku dhacay gantaalka ayaa soo sheegaya in hooyo Meymuun oo 70 sanno jir ah iyo wiil yar oo sideed sanno jir ah oo ay ayay utahay ay ku dhaawacmeen duqeynta
Meymuun iyo wiilka yar ayaa la geeyay isbitaal halkaasi oo lagula tacaalay xaaladooda caafimaad.
“Anigoo wax qoraya oo guriga ku jira ayaa mar qura waxaan maqalnay jug kadibna waxaa igu soo daatay saqafyada guriga, waxaan arkay dhiig iga socda kadibna waxaan ka dhex baxay guriga”ayay tiri Meymuun iyadoo intaa hadalkeeda ku dartay in qeyb ka yihiin dad shacabka ah ee Maraykanka ku leynayo gudaha Soomaaliya.
Tan iyo markii donald Trump uu madaxweyne ka noqday Maraykanka waxaa xoogeystay duqeymayaha Maraykanka ka wado Soomaaliya kuwaasi oo umuuqda kuwa aanan kala sooceyn shacab iyo shabaab.
Dowladda federaalka oo uu madax uyahay Farmaajo oo Muddo ku noola Maraykanka ayaana marar badan sheegtay inay ka warheyso duqeymaha Maraykanka ka wado Soomaaliya.
Xigasho Radio Alfurqaan.
About The Author
