Xilli loo maaro la’yahay dhaqaale la’aanta baahsan ee soo food-saartay ciidamada calooshood-u-shaqaystayaasha AUSSOM ee duullaanka saliibiga ah kusoo qaaday dalka Soomaaliya, ayaa rajo-beel xooggan laga muujiyey sii socoshada duullaankaasi.
Falanqeeyayaal la hadlay warbaahin laga leeyahay dalka Ingiriiska ayaa isku raacay in haddii dhaqaale ku filan loo waayo ciidamada Afrikaanta ay keeni karto khatar amni oo soo wajahda Kooxda Riddada Soomaaliya iyo niyad-jab ka dhasha mustaqbalka hawlgalka AUSSOM.
Liibaan Cabdullaahi Cigaal oo wax ka dhigi jiray jaamacad ku taal dalka Maraykanka, falanqeeyana arrimaha siyaasadda ee Soomaaliya iyo caalamka, ayaa qaba in helista dhaqaalaha ciidamada Afrikaantu uu yahay halbowlaha ugu muhiimsan, haddii la waayana ay khatarteeda leedahay.
Waxa uu sheegay in haddii ay guul-darraystaan dedaallada qaaraanka loogu raadinayo ciidamada Afrikaanta uu haadaan ka dhici doono mustaqbalka kooxda Riddada Soomaaliya, isla markaana uu gebi ahaanba soo afjarmi doono duullaankii saliibiga ahaa ee muddada badan ka socday dalka Soomaaliya.
Axmed Cabdullaahi Kaboole oo isna ah murtad ka faallooda arrimaha ammaanka ee gobolka ayaa Idaacaddan laga leeyahay dalka Ingiriiska u sheegay in ciidamada calooshood-u-shaqaystayaasha Afrikaantu aanay sii joogi karin dalka, haddii loo waayo dhaqaale ku filan, taas oo mugdi gelinaysa masiirka Kooxda Riddada Soomaaliya.
Walaacan ay muujinayaan falanqeeyayaashu ayaa imanaya xilli uu burbur qarka u saaran yahay hawl-galka macatab-ku-dirirka ah ee Isbahaysiga AUSSOM, Kadib markii shir dhawaan ka dhacay New York uu Xoghayaha Guud ee urur-gaalleedka Qaramada Midoobay, António Guterres (Antooniyo Gateeras) ka sheegay in ciidamada Afrikaantu aysan wax mushahar ah qaadan muddo 15 Bilood ah, intaas wixii ka dambeeyana aanay suuro-gal ahayn inay kusii shaqeeyaan Gunno la’aan.
About The Author
