Dowladda Eritrea ayaa la sheegay inay eriday sii hayaha safiirka dowladda Sudan u fadhiya magaalada Asmara ee caasimadda waddankaasi.
Warbaahinta Qadar oo soo xiganaysa ilo wareedyo diblumaasi ah ayaa sheegtay in muddo 72 saacadood ah loo qabtay in uu dalka Eritrea uga baxo sii haya safiirka safaaradda Sudan ee caasimadda Asmara.
Ninka la eryayay ayaa lagu magacaabaa Khaalid Cabbaas, wuxuu hadda dowladda Suudaan ugu magacownaa sii haya xilka safiirnimo ee safaaradda Suudaan ay ku leedahay Eritrea.
Lama sheegin sababta rasmiga ah ee keentay in la eryo safiirka Suudaan ee Eritrea, mana jiro war rasmi ah oo kasoo baxay dhanka dowladaha Eritrea iyo Sudan, oo ay kaga hadlayaan warka soo baxay ee sheegaya eryidda Safiir Khaalid Cabbaas.
Dhowaan ayay ahayd markii Abiy Axmed lagu soo dhaweeyay magaalada uu hadda ku shaqeeyo General Cabdilfatax Al-burhan madaxa golaha millatariga Suudaan, Prort Sudan, halkaas oo uu kulan kula qaatay Burhaan, kana wada hadleen colaadda iyo xaaladda gobolka.
About The Author
