Xogo faahfaahsan oo dheeraad ah ayaa kasoo baxaya dagaallo iyo weerar madaafiic ah oo ciidamada mujaahidiintu saacadihii lasoo dhaafay la beegsadeen maleeshiyaad murtadiin ah oo dhaqdhaqaaqyo ciidan oo ashahaada la dirir ah ka waday qaybo ka mid ah wilaayada Mudug ee dhacda bartamaha Soomaaliya.
Dagaalladii lagu jabiyay murtadiinta ee ka dhacay deegaanka Baraag Ismaaciil ee hoostagta degmada Xarardheere, waxay mujaahidiintu Allaah fadligiis ku dileen 12 murtadiin ah, halka ay ku dhaawacmeen 21 kale, sidoo kale waxaa dagaalladaas lagu gubay gaari Cabdibile ah, kaas oo ay goobta uga carareen.
Waxay sidoo kale ciidamad mujaahidiintu weerar culus oo madaafiic ah ku beegsadeen saldhigyada maleeshiyaadka murtadiinta ee degmada Xarardheere, waxaa howlgalkaas lagu dilay hal askari oo murtad ah oo lagu magacaabi jiray Maxamed Cabdullaahi Cali, halka ay ku dhaawacmeen lix kale oo ka tirsan maleeshiyaadka Riddada Gorgor.
Dhanka Sh/hoose, ciidamada mujaahidiintu waxay weeraro qorsheysan ku mireen saldhigyada ciidamada Kuffaarta Yugaandha ay ka deganyihiin degmada Qoryooley iyo deegaanka Laanta-buuro, sidaas oo kale waxaa dagaallo culus loogu miray saldhigyada murtadiinta ee xaafadaha Mukayga iyo Haanta-dheer ee degmada Afgooye.
About The Author
