Wararka saaka oo sabti ah naga soo gaaraya Sh/dhexe ayaa sheegaya in xaalada goobihii lagu dagaalamay maalintii shaley ay tahay mid degan, islamarkaana ay hadda ku sugan yihiin dagaalyahanada Xarakada Mujaahidiinta Al-Shabaab oo ku itaal roonaaday dagaalkii halkaasi ka dhacay.
Dagaalkan oo ahaa mid aad u xoogan ayaa yimid kadib markii ciidamo hubeysan oo katirsan Al-Shabaab ay kamiin u dhigeen kolonyo maleeshiyaat ah oo duullaan kusoo ahaa goobaha ay ka taliso Al-Shabaab, waxaana dagaalkaas khasaare xoogan oo isugu jira naf iyo maalba lagu gaarsiiyey maleeshiyaatka DFS.
Sarkaal ka tirsan Xarakada Al-Shabaab ayaa saaka idaacada Andalus u sheegay in dagaalkii shaley ka dhacay tuulada Xaaji Cali ee duleedka degmada Cadale lagu dilay ugu yaraan 9 askari oo ka tirsanaa maleeshiyaatka DFS laguna dhaawacay tiro intaas ka badan.
Sarkaalkan ayaa sidoo kale sheegay in qaar ka mid ah meydadka askarta Soomaalida ee lagu laayey weerarkaas uu ilaa hadda yaallo goobihii lagu dagaalamay, islamarkaana ay maleeshiyaatku u suuragali weysay inay qaataan meydadkooda ka dib markii uu jab xoogan kasoo gaaray dagaalka.
Ciidanka Al-Shabaab ayaa weerarkii shaley ka dhacay duleedka tuulada Xaaji Cali ku qabsaday gaari gaashaaman oo noociisa lagu sheegay inuu ahaa Taw iyo gaari kale oo Ambalaas ah, kuwaas oo ka mid ahaa gaadiidkii ugu dambeeyey ee dowlada Turkiga ay ugu deeqday maleeshiyaatka Soomaalida.
Calamada.com
About The Author
