Wararar dheeraad ah ayaa kasoo baxaya dagaallo iyo qaraxyo markale ka dhacay deegaanno katirsan gobolka Shabeelaha Hoose ee dhaca Koonfurta Soomaaliya.
Dagaallo culus oo ay barbar socdeen qaraxyo ayaa maanta gelinkii dambe ka dhacay wadada xiriirisa Muqdisho iyo Marka ee marta dhanka xeebta, ciidamo katirsan Xarakada Al Shabaab ayaa wadada ugalay kolonyo ciidamo huwan ah oo ka amba baxay xarunta Sh/Hoose.
Goob joogayaal ayaa sheegay in dagaallo culus ay labada dhinac ku dhaxmareen dhulka xeebta ah waxaana jira khasaara dhimasho iyo dhaawac ah oo soo gaaray ciidamadii kusii jeeday dhanka Muqdisho.
Ciidamada Mujaahidiinta Alshabaab ayaa gantaallada garbaha laga gemo lahelay gaari Cabdi bile ah waxaana ku dhintay afar askari iyadoona uu burbur xooggan gaaray gaariga la beegsaday.
Ciidamo watay illaa 9 gaari oo nuuca dagaalka ah ayey weeraro dhabbagal ah ku qabsadeen wadada xeebta, war kasoo baxay Al Shabaab ayay ku xaqiijisay in ciidamadeedu gaari Tiknika ah ka gubeen ciidamadii huwanta ahaa ee dhaq dhaqaaqyada ka sameeyay deegaanka dhanka xeebta uga beegan magaalada Marka.
About The Author
