Warar dheeraad ah ayaa kasoo baxaya qaraxyo khasaara badan dhaliyay oo ciidamada Xabashida Itoobiya saacadihii lasoo dhaafay lagula beegsday Wadada xiriirisa Degmada Bardaale iyo Deegaanka Awdiinle oo ka wada tirsan Wilaayada Baay iyo Bakool.
Ciidamada Itoobiyaanka ee dhimashada iyo dhaawaca ku noqday Qaraxa ayaa ah Lix iyo Toban Askari, Waxaa sidoo kale Xabashida Itoobiya Qaraxyadaasi looga gubay Gaadiid dagaal.
Sidoo kale duleedka degmada Xudur weerar ka dhacay waxaa dhimasho iyo dhaawac ku noqday ku dhawaad Toban ka tirsan Maleeshiyaatka Maamulka Gaala Raaca isku magacaabay Konfur Galbeed.
Dhinaca kale wararka laga helayo deegaanka Zabiid ee duleedka degmada Afgooye ayaa sheegaya in dagaal culus uu galabta halkaas ka dhacay, dagaalka ayaa yimid kadib markii xoogaga Al Shabaab ay wadada ugaleen maleeshiyaad Bangaraaf ah oo isku dayay in ay dhaq dhaqaaq sameeyaan.
Weerar kale oo ka dhacay tuulada Ceel Siliindi ayaa lagu beegsaday maleeshiyaad katirsan dowladda Federaalka gaar ahaan kuwa lagu tababaray saldhigga ciidamada Turkiga ee magaalada Muqdisho
About The Author
