Qeybo ka mid ah Degmooyin Magaalada Muqdisho ee Caasimada Somaliya ayaa waxaa xalay gilgilay Qaraxyo xooggan oo lala beegsaday Saldhigyo Maleeshiyaad ka tirsan Murtadiinta ay ku leeyihiin gudaha Magaalada Muqdisho.
Ilaa 2 Qarax ayaa xalay lagu weeraray Xarunta maamulka ridada ah ee Degmada Waabari halkaasi oo ay ku sugnayeen Maleeshiyaad ka tirsan Murtadiinta .
Saddex ka tirsan Maleeshiyaadkii ku sugnaa Xarunta la weeraray ayaa ku dhimatay Qaraxyadasi ,halka sidoo kale ay ku dhaawacmeen ilaa Shan kale.
Dhanka kale, isla xalay Mujaahidiinta waxay weerar loo adeegsaday Qaraxyo ku qaadeen guri uu dagaana Taliyaha Maleeshiyaadka isku magacaabay Xasilinta caasimada, Murtadka lagu magacaabo Maxamad Abukar Jacfar gurigaasi oo ku yaalla Degamada Howl-wadaag ee Magaalada Muqdisho.
Saraakiisha Ciidanka Mujaahidiinta ayaa xaqiijiyay in 3 ka tirsan Ilaalada Murtadkaasi ay ku dhaawacmeen Qarayadasi iyadoo mid ka mid ah Maleeshiyaadka dhaawacmay dhaawaciisu yahay mid garaab ah .
Dadka ku dhaqan Magaalada Muqdisho ayaa ku waramaya in ay xalay magaalada laga maqlayay Rasaas xooggan oo ay ridayeen maleeshiyaatkii ka badbaaday qaraxyada ka kala dhacay degmooyinka Waaberi iyo Hawlwadaag.
Cabsi xooggan ayaa soo wajahday cadawga ku sugan Magaalada Muqdisho iyo guud ahaan deegaanada ay saliibiyiinta iyo murtadiintu kaga suganyihiin dalka, kadib curashada bisha Ramadaan, iyagoo u bartay in bishaasi ay tahay mid ay Mujaahidiintu kordhiyaan weerarada lagu gumaadayo cadawga Islaamka.
Qaraxyadii xalay ka dhacay Magaalada Muqdisho ayaa Ku soo aadaya xili Sargaal ciidan oo ka tirsanaa Maleeshiyaadka ridada ah, gaar ahaan kuwa ka hawlgala Magaalada Dhuusamareeb ee bartamaha Soomaaliya, ay Mujaahidiintu habeen hore ku khaarijiyeen degmada Yaaqshiid ee Magaalada Muqdisho.
Xigasho Idaacada Andalus.
Calamada.com
About The Author
