Wararka ka imaanaya wadanka Itoobiya ayaa sheegaya in qaraxyo waaweyn ay ka dhaceen deegaan dhaca waqooyi bari wadankaasi waxaana lasoo weriyay argagax iyo anfariir ka dhashay qaraxyada.
Burkaan aad uxooggan ayaa ka dhacday deegaan katirsan ismaamulka Carafta Itoobiya, Burkaanada ayaa sameysay qaraxyo waaweyn oo saameyntooda laga dareemay gobollo katirsan wadanka Yemen ee dhulka Jaziiradda Carabta.
Mas’uuliyiin katirsan dowladda Xabashida Itoobiya ayaa sheegay in Foolkaanadan oo aheyd middii ugu xooganeed ee abid ka dhacda wadanka ay sababtay burbur iyo in qiic iyo uuro madoow ay saameeyaan dhul boqolaal Kiilow Mitir ah.
Goob joogayaal ku sugan gobollo katirsan wadanka Yemen ayaa dareemay boor iyo dhagxaan quruurax ah oo kusoo daadatay daqiiqado kadib markii uu Burkaanku ka qarxay waqooyi bari dalka Itoobiya.
Waxaa la arkayay boqolaal qof oo isaga firxanaya deegaannada ku dhow dhulka ay burkaantu ka qaraxday iyadoo laga dareemay rucbi iyo qoob gariir.
Wararka ayaa intaas ku daraya in Foolkaanada oo wadata dab iyo boor ay weli ka jirto gobolka Ismaamulka Cafarta waxaan burkaantan loogu magac daray Heylle Goobi.
Sida ay sheegeen khubaro arrimaha dhulalka dhulalka qaabilsan Foolkaanada ayaa sii daysay kaarboon laba Okseed iyadoo sii marisay biyaha badda cas, gobollada dalka Yemen ee ay Foolkaanadu saameysay waxaa kamid Damaar,Eb,Sancaa iyo Xadramuut.
Wararkii ugu dambeeyay ayaa sheegaya in dowladda Xabashida Itoobiya ay soo saartay digniin ah in aan loo safri karin deegaannada ku dhow goobta ay foolkaanadu ka qaraxday sababa laxiriir cabsi laga qabo qaraxyo hor leh.
About The Author
