Urur gaaleedka loogu yeero midowga Africa ee ka mid ah saliibiyiinta duullaanka ku jooga Somaliya ayaa markii ugu horraysay ka hadlay xaaladda hubanti la’aanta ah ee ay ku suganyihiin ciidamadooda duullaanka ku jooga qaybo ka mid ah Koonfurta iyo bartamaha Soomaaliya.
Bankole Adeoye oo ah guddoomiyaha midowga gaalada Africa u qaabilsan arrimaha siyaasadda ayaa sheegay in ciidamadooda ku sugan Soomaaliya ay la ildaranyihiin dhaqaale xumo baahsan, haddii ay xaaladdaas ku sugnaadaanna ay dhici karto inay lumiyaan goobaha ay duullaanka ku joogaan.
Gaalkan ayaa sheegay inay u baahanyihiin kharashaad dhan 90 Milyan oo doollar si ay ugu maareeyaan dagaalka ka dhanka ah islaamka ee ay kaga jiraan Soomaaliya, isagoo xusay in haddii ay taasi dhici waydo oo la bixin waayo kharashaadka ay ku howlgali doonaan 21-ka bilood ee soo socda ay dhici karto in waddanka oo idil uu u gacan galo mujaahidiinta Al-shabaab.
“Haddii ciidamada Midowga Afrika aysan helin dhaqaale ay si hufan ugu howlgalaan 21-ka bilood ee soo socda ka hor xil wareejinta, waxaa laga yaabaa in ay la macno tahay in al-Shabaab ay ugu dambeyntii la wareegi doonto mas’uuliyadda Somaliya,” waxaa sidaas yiri Adeoye oo ka mid ah saraakiisha midowga gaalada Africa.
Isagoo sii hadlayay ayuu sheegay in dhibaatada ugu xooggan ee haysata taliskooda uu yahay dhaqaale darada, lacagaha maqan ayuuna ku sheegay 60 Milyan oo dollar taas oo ay ka jaratay gaaladii waddanka qaabka murtazaqnimada usoo gelisay ee reer galbeedka.
Hadalkan kasoo yeeray madaxda midowga gaalada Africa ayaa kuso beegmaya xilli ay iska soo daba dhacayso cabashooyinka ka imaanaya saliibiyiinta Afrikanta ah ee duullaanka ku jooga Soomaaliya, kaas oo ku aadan inaysan helin wax mushaharaad ah muddo dhowr bilood ah.
About The Author
