Cabdulqaadir Jeemis oo ka mid ahaa ganacsatada Soomaaliyeed ee ku dhaqan dalka Koonfur Africa ayaa lagu dilay gudaha goob ganacsi oo uu kulahaa magaalada Swellendam oo ah magaalo 225 KM u jirta magaalada Cape Town ee caasimadda waddanka South Africa.
Koox burcad ah oo u dhashay waddankaasi ayaa u dhacay goobtiisa ganacsi oo kutaal magaalada Swellendam, waxay dadkii ka agdhawaa soo sheegeen in ganacsadahan kooxda barcadda ah ay dhowr xabaddood kaga shanaqeen qaybaha sare ee jirka, taasi oo keentay in uu goobta ku qurbaxo.
Dadka Soomaalida ah ee ku dhaqan Swellendam waxay soo sheegeen in ganacsade Cabdulqaadir Jeemis uu xarumo ganacsi iyo guryaba kulahaa magaaladan, muddo 20 sanana uu ka shaqaysanayay waddanka Koonfur Africa, kooxda burcadda ah ayaana dilka kaddib dhac iyo bililiqo u gaysatay xarunta ganacsi.
About The Author
