Maleeshiyada Xuuthiyiinta ee fadhigoodu yahay dalka Yeman ayaa saaka oo Axad ah weerar ku qaaday garoonka diyaaradaha caalamiga ee Bin-gooryan ee kuyaal dhulka gumeysiga Yahuudda ku hoos jira.
Gantaalkan ka yimid waddanka Yeman ayay warbaahinta Yahuudda sheegtay in ay qaban waayeen nidaamdyada difaaca ee u rakiban maamulka Yahuuda, taasi oo keentay in gantaalku garoonka kusoo dhaco, burbur xoog leh na uu gaysto.
Channelka 12-aad ee Yahuudda ayaa sheegay in gantaalka Xuuthiyiinta uu kasoo gudbay difaacyada hawada ee lacagaha badan ay ku bixiso dowladda saliibiyadda Maraykanka, kuna soo dhacay bartamaha garoonka diyaaradaha, waxaa goobta uu gantaalku ku dhacay ka sameysmay god dhererkiisu yahay 25 mitir.
Dhinac kale, kooxaha gurmadka degdega ah ee maamulka gumeystaha ayaa sheegay in ay la tacaaleen xaaladda 8 xubnood oo ku dhaawacmay gantaalka kusoo dhacay garoonka Bin Gurion, mid ka mid ah dhaawacyadaas ayaa lagu sheegay inuu yahay mid dhexdhexaad ah.
Kooxda Xuuthiyiinta Yeman ayaa war ay soo saareen ku sheegay in weerar millatari ku beegsadeen garoonka diyaaradaha Bin Gooryan, waxayna intaas ku dareen in weerarkan uu sababay kala carar ku dhacay dadka sahaahinada ah sidoo kalena uu hakad geliyay dhaqdhaqaaqa garoonka diyaaradaha.
About The Author
