Garaad Maxamuud Cabdikariim Cabdilfataax oo kasoo jeeda degmada Laasqoray ee gobolka Sanaag oo si muuqaal ah ula hadlay warbaahinta ayaa ka hadlay arrin halis badan oo ka taagan duleedka degmada Laasqoray.
Garaadku wuxu si cad u sheegay in Xassan Sheekh Maxamuud iyo Deni ay Yahuudda iyo Imaaraadka ka gadeen dhul baaxad leh oo la yaraahdo Cadcaddo iyo Durduri oo u dhow degmada Laasqoray ee gobolka Sanaag, dhulkaas oo qani ku ah macdanta noocyadeeda kala duwan.
Garaadku wuxu caddeeyay in Yahuudu ay saldhigyo ka samaysteen dhulkaas oo ay ciidamo calooshood u shaqaystayaal ah keensadeen, ayna rabaan inay xoog ku gurtaan macdanta dhulkaas taalla, waxaana goobtaas u dhow godadka dahabka laga qodo oo dhalinyaro badan ay u shaqo tagaan.
Garaadka ayaa wacad ku maray in aanay yeeli doonin in dhulkan oo illaahay iyaga masuuliyaddiisa saaray laga iibiyo Yahuud iyo Imaaraad oo xoog lagu gurto macdanta. wuxuu sheegay in awowyaashoodii ay marhore diideen in dhulkan gaal soo galo, maanta oo sabanka kan la joogo yeeli mayno ayuu yiri in gaalo iyo gumayste la keeno.
Garaadka ayaa baaq u diray Xassan sheekh iyo Deni oo uu sheegay in iyagu gadeen dhulkan, wuxuna ku yiri “waxan leenahay Xassan sheekh iyo Deni degmada Laasqoray gadmi mayso”
Mar la waydiiyay garaadka caddaynta uu hayo, wuxu sheegay in caalamka oo dhan laga ogyahay oo wax qarsoon aysan ahayn, 30 duulimaad ayay ku yimaadeen oo qalabkii oo dhan way keensadeen, Boosaaso ayayna kasoo dajisteen qalabka, goobihii iyo saldhigyadii ay dagi lahaayeenna waa la calaamadeyey ayuu yiri garaadku.
Si kastaba ha ahaatee Xasan Sheekh ayaa marar badan waxa lagu eedeeyaa in uu caan ku yahay in dowladaha iyo shirkadaha shisheeye uu u saxiixo hantida ma guurtada ah ee Soomaalidu ay leedahay, isagoo ku badalanaya hunguri yar oo jeebka la gashado ama ballan qaadyo been ah, waxana markhaati loosoo qaataa mudadii yarayd ee hadda uu talada kusoo laabtay in laga saxiixday heshiisyo tiro badan, waxana heshiisyada ugu badan loo saxeexay dalka Yugandha oo uu labo jeer ku laabtay, waxaana heshiisyadii uu la galay xukuumada Kampala fashiliyey madaxwaynaha Yugaandha oo sheegay in Soomaaliya laga dhargay, iyaguna hadda usoo jeedsadeen sidii ay uga macaashi lahaayene kheyraadka ceegaaga gudaheeda ee la kala boobayo.
Hoos Ka Daawo Qaylo dhaanta Garaadka.
About The Author
