Bashiir Ameeriko oo ka mid ah xubnaha golaha dawaaqiidda ah ee kooxda Riddada Somalia, ayaa ka hadlay arrimo badan oo ka dhex jira dowladda Riddada, isagoo eedo u jeediyay hogaganka ugu sareeya ee kooxda Riddada Soomaaliya.
Wuxuu marka hore murtadkan xildhibaanka ah sheegay in dowladdiisu tahay mid ku hoos jirta gumeysiga saliibiyiinta, si gaara wuxuu usoo qaatay in uu xerada Xalane oo ah taliska ugu wayn ee saliibiyiinta ku leeyihiin soomaaliya uu ku dhex arkay taliyaha ugu sarreeya sirdoonka dowladda nasaarada xabashida Itoobiya, isaga iyo istaafkiisa oo dhex lugeynaya gudaha xerada in uu arkay ayuu sheegay.
Wuxuu sidoo kale sheegay in dowladaha ay wakiilka uga yihiin Soomaaliya ay kooxda Riddada u arkaan mid liidata, oo aanan lagu aamini Karin ammaanka goobaha ugu muhiimsan ee dalka sida Airport-ka iyo xarumaha kale.
Isagoo sii hadlayay ayuu murtad General Bashiir Ameriko sheegay in musuqmaasuq baahsan eex iyo nin tooxsi uu ka dhex jiro hayadaha iyo hoggaanka ciidanka kooxda Riddada, wuxuu sheegay in saraakiisha ciidanka dowladda Riddada lagu dalacsiiyo eex iyo nin jeclaysi, taasina ay ka imaanayso hoggaanka ugu sarreeya ee Riddada gaar ahaan madaxa dowladda Riddada murtad Gurguurte.
Eedaymaha loo jeedinayo murtad Xassan Gurguurte iyo madaxda kale ee dowladda Riddada, ayaa maalmihii u dambeeyay xoogeysanaayay, eedda ugu badan ee madaxda Riddada loo jeedinayay na waxay ahayd fashilka dagaalka ka dhanka ah shareecada islaamka iyo boobka hantida caamka ah iyo tan gaarka loo leeyahay.
About The Author
