War ka soo baxay dowlada Cumaan ayaa lagu sheegay in uu dhintay suldaankii dalkaasi suldaan Qaabuus Bin Saciid oo noqday hogaamiyihii Carbeed ee ugu xukunka dheeraa.
Suldaanka ayaa muddooyinkii dambe la xanuun sanayay cudurka Kansarka oo uu qabay, iyadoona la sheegay in dhawaan uu ka soo laabtay safar caafimaad oo uu ku tagay dalka Biljamka .
Suldaan ayaa xukunka dalka Cumaan hayay Konton sano ah, Waxaana talada dalkaasi uu la wareegay sanadkii 1970-kii xiligaasi oo uu afgambiyay Aabihiis oo madax ka ahaa dalkaasi .
Warbixino laga qoray suldaankan ayaa sheegaya in uusan ka tagin Caruur iyo Xaasba oo ka dhaxla talada dalkaasi.
Qoyska Boqortooyada dalka Cumaan ayaa Suldaanka guud ee dowladdaasi u magacaabay Heytham Binu Dhaariq Al-saciid kaasi oo noqday hogaamiyaha rasmiga ah ee dowladda Cumaan, Waxa uuna ninkan ilmo adeer la yahay Suldaanka dhintay ee Qaabuus Bin Saciid.
Calamada.com
About The Author
