Maanta oo talaado ah waxaa gudaha magaalada Jiniin ee dhacda daanta galbeed ee Filistiin ka dhacay weerar xooggan oo ay yahuuddu kusoo qaaday dadka muslimiinta ah, kaas oo dhimasho iyo dhaawac ay ku noqdeen inka badan 100 xubnood oo filistiiniyiin ah.
Duullaanka Yahuudda ee ka dhanka ah Jiniin oo soo billowday shalay ayaa soo gaaray illaa iyo maanta, dhaawacyada dadka Filistiiniyiinta ayaa gaaray inka badan 100 qof, oo 20 ka mid ah ay xaaladdoodu tahay mid halis ah, halka ay ku shahiideen 10 kale.
Dhanka kale booliska maamulka Yahuudda ayaa sheegay in 7 qof oo Yahuud ah ay ku dhaawacmeen weerar toorreey ah oo duhurnimadii maanta ka dhacay magaalada Tal’abiib ee caasimadda Yahuuda, 3 ka mid ah ayaa lagu sheegay xaaladoodu inay tahay mid aad u liidato, kooxaha Filistiiniyiinta ah ayaa sheegay in weerarkan oo isugu jiray gaari jiirsiin iyo Toorray uu jawaab celin u yahay weerarka Yahuudda ee Jiniin.
Idaacadda ku hadasha afka Yahuudda ayaa dhanka kale sheegtay in weeraryahanka uu ahaa 32 sano jir falastiini ah, isagoo ka yimid dhanka Al-khaliil ee dhacda koonfurta Daanta Galbeed, waxayna intaa ku dareen in weeraryahanka Falastiiniga ah uu xirnaa dareeska ciidamada Yahuudda.
Yahuudda ayaa durba walaac xooggan ka muujisay weerarkan ka dhacay wadnaha dhulalka ay xoogga ku haystaan, waxayna weerarka ku tilmaameen mid muujinaya doonista Filistiiniyiinta ee ah inay dadka ah Yahuudda ku beegsadaan gudaha Tal’abiib ee meel walba oo ka mid ah dhulalka Filistiin, waxaa hadalkan warbaahinta Yahuudda ka hor sheegay waziirka maaliyadda ee maamulka fadhigiisu yahay Tal’abiib.
About The Author
