Ciidamada jabhadda Mujaahidiinta ee ka howlgala wilaayada Baay waxay maanta dagaal ka dib l wareegeen gacan ku heynta deegaanka Goof-gaduud Buurey ee dhaca duleedka magaalada Baydhaba ee xarunta gobolka Baay, inta la xaqiijiyay waxaa dagaalkii ay Mujaahidiintu deegaankan kula wareegeen lagu dilay 4 askari oo murtadiin ah halka dhaawaca yahay saddex kale, waxayna sidoo kale Mujaahidiintu howlgalkan kusoo ghaniimeysteen saddex qori iyo booshashkooda.
Dhanka gobolka Sanaag ee waqooyiga Soomaaliya waxay ciidamada Mujaahidiintu howlgal gaar ah oo ay ka fuliyeen deegaanka Dhadhaabo ee gobolkaas ku dileen sarkaal sare oo ka tirsanaa sirdoonka maamulka ashahaada la dirirka ah ee Puntland, kaas oo lagu magacaabi jiray Cabdicaseer.
Dhanka wilaayada Jubbooyinka waxay Mujaahidiintu maanta agagaarka deegaanka Sigaleer ee duleedka Kismaayo weerar kammiin ah ugu dhigeen maleeshiyaad ka tirsan murtadiinta oo kasoo baxay magaalada Kismaayo, kuna sii jeeday dhanka deegaanka Baar-sanguuni, maleeshiyaadkan ayaana weerarka ku dhacay iyagoo khabar moog ah, sida lasoo wariyayna waxaa halkaasi lagu gaarsiiyay khasaare kala duwan oo isugu jira dhimasho iyo dhaawac.
Inta la ogyahay dhimashadu waa hal askari oo murtad halka dhaawucuna yahay 2 kale.
Dhinaca kale waxay guutada qaraxyada Mujaahidiinta maanta 2 qarax oo aaad u xooggan la beegsadeen ciidamo lug Burundees ah, kuwaasi oo marayey deegaanka Buurane ee Sh/dhexe, waxaana qaraxyadaasi ka dhashay khasaare kala duwan oo isugu jira dhimasho iyo dhaawac oo gaaray ciidanka la beegsaday, waxaana goobta qaraxyada ay ka dhaceen soo caga dhigatay diyaarad millatari oo nooca Helicopter-ka ah taasoo qaaday meydad iyo dhaawacyada.
About The Author
