Wararka ka imaanaya dhulka Jaziiradda Carabta ayaa sheegaya in weeraro culus ay lakulmeen qaar kamid ah saldhigyada ciidanka dowladda saliibiyadda Mareykanka ay ku leedahay mandiqadda.
Taliska ciidanka ilaalada Kacaanka dowladda Iiraan ayaa ku dhawaaqay in ay caawa weeraro loo adeegsaday sawaariikh ku qaadeen saldhigga ciidanka Mareykanka Alcudeyd ee wadanka Qadar iyo saldhig kale oo ciidanka Mareykanka ay uga suganyihiin dalka Ciraaq.
Bayaan kasoo baxay ciidanka Iiraan ayaa lagu sheegay in weeraradan oo qeyb ka ah jawaab celinta ay ka bixinayaan weeraradii Mareykanku ku burburiyay sedax kamid ah warshadaheeda Niyugleerka ay sii socan doonaan.
Muuqaal uu baraha Internetka ku baahiyay taliska ciidanka Ilaalada kacaanka Iiraan ayaa muujinayay sawaariikhda oo ku hoobanaysa saldhigyada ciidamada Mareykanka ee Ciraaq iyo Qadar.
Dhinaca kale waxaa laxiray hawada dhammaan dalalka Khaliijka Carabta sida Baxreyn,Qadar,Kuweyt,imaaraatka Carabta,Cummaan iyo Kuweyt sababa laxiriira cabsi laga qabo in ay sii xoogeystaan xasaradaha ka jira mandiqadda loo bixiyay bariga dhexe.
Donald Trump oo ah madaxweynaha Mareykanka oo ka falceliyay weerarada caawa lagu qaaday saldigyada ciidamadiisa ee bariga dhexe ayaa saadaaliyay in weeraro kale ay ka dhici karaan dalka Baxreyn isagoona digniin culus udiray dowladda Iiraan.
Illaa iyo hadda lama oga khasaaraha ka dhashay weeraradan lagu qaaday saldhigyada ciidanka American-ka balse xukuumadda dabadhilifka Qadar ayaa war ay soo saartay ku sheegtay in saldhigga Alcudeyd goor sii horraysay laga saaray ciidamadii ku sugnaa sababa laxiriira iyadoo la ogaa in uu weerar kusoo wajahanyahay.
About The Author
