Magaalada Kismaayo ee xarunta maamulka ashahaada la dirirka ah ee Jubbaland waxaa ka dhacay iska hor’imaad u dhaxeeyay maleeshiyaad ka amar qaata murtad Axmed Madoobe iyo maleeshiyo kale oo ilaalo u ah mid ka mid ah musharixiinta madaxtinimo ee maamulkaasi.
Wararka ka imaanaya Kismaayo waxay sheegayaan in barqadii maanta ay is rasaaseyn dhexmartay maleeshiyaadka Booliska Axmed madoobe iyo ilaalada Ilyaas Gaboose, oo hada ka mid ah xubnaha mucaaradka ah ee u taagan hoggaanka maamulkaasi.
Iska hor’imaadka ayaa yimid kaddib markii ninkan musharaxa oo lagu xagliyo dhanka Gurguurte uu isku dayay in uu galo Hotelka Agan ee kuyaal magaalada Kismaayo, balse waxaa ka hor istaagay maleeshiyada Booliska maamulka Riddada Jubbaland, kuwaas oo rassaas ku furay gaariga uu leeyahay xildhibaankaasi.
Is rasaaseynta u dhaxeysay labada dhinac waxaa sida lasoo wariyay ka dhashay khasaare isugu jira dhimasho iyo dhaawac, waxaa la xaqiijiyay in uu dhaawac yahay darawalka Gaboose, dhimasho iyo dhaawac kale ayaa lasoo sheegay, maleeshiyada maamulka Riddada Jubbaland ayaa ugu dambayn ku qasbay ilaalada Ilyaas Gaboose inay dib uga gurtaan aagga Hotelka oo uu dagaalku ka dhacay.
Xaaladda magaalada Kismaayo ayaa imika ah mid kacsan, maleeshiyadii ugu badnaa ayuu Axmed Madoobe soo dhoobay xaafadaha magaalada Kismaayo, xaafadaha qaar waxaa lasoo warinayaa in uu ka socdo dhaqdhaqaaq u muuqda mid barakac ah oo ay dadku sameynayaan.
About The Author
