Wasaaradda Caddaaladda ee Imaarada Islaamiga ah ayaa shaaca ka qaadday in muddo saddex bilood ah gudahood ay ku guuleysatay in ay dib u soo ceshato in ka badan 1500 Kiilow mitir laba jibaaran oo dhul dowladeed ah oo si sharci-darro ah ay kula wareegeen madaxdii xukuumaddii camiilka aheyd ayna ka iibiyeen ganacsato iyo dad shacab ah.
Bayaan kasoo baxay Imaarada Islaamiga ah ayaa lagu sheegay in madaxdii faasidiinta ahaa ee dalka soo maray ay dhul dowladeed qaab musuq maasuq ah ku bixiyeen islamarkaana dad waxmagarato ah ay dhulkaas iibsadeen kadibna ay ka dhigteen guryo iyo deegaamaysi.
Sida lagu sheegay bayaanka ay wasaaradda cadaaladda ay soo saartay, howlgalka dib-u-soo-celinta dhulkan ayaa laga fuliyay 16 gobol oo ka tirsan dalka Afgaanistaan, waxaana ka mid ahaa gobollada: Nangarhar, Goor, Paktia, Panjshir, Maydaan Wardak, Baamyaan, Nimruuz, Jawzjaan, iyo Kunduz.
Wasaaradda ayaa sheegtay in hawshan lagu fuliyay iyada oo loo marayo Guddiga Ka hortagga Dhul-boobka ee uu magacaabay Amiirul Mu’miniin Beytabullaah si loo ilaaliyo hantida guud ee umadda kawada dhaxaysa , waxaana la kaashanayay khuburo farsamo iyo guddi garsoorayaal islaami ah. Dhulka la soo celiyay ayaa si rasmi ah loogu wareejiyay hay’adaha dowladda ee ku shaqada leh kuwaas oo bulshada ugu adeegaya.
Wasaaraddu waxay sidoo kale ballanqaadday in ay sii wadi doonto dadaallada ka dhanka ah dhul-boobka si loo ilaaliyo hantida qaranka iyo xuquuqda shacabka, dhulalkan ay Imaarada Islaamiga ah kasoo dhicisay kuwa musuq maasuqu dilooday waxaa ku jira beero iyo xarumo dowladeed balse dad gaar ah laga iibiyay.
Murtadiintii Afghanistan maamuli jirtay ee Mujaahidiintu ay ceyriyeen taladana kala wareegeen iyo murtadiinta Soomaaliya ku sugan ayaa kawada siman dhulboob,musuq maasuq iyo ku tumashada hantidada umadda.
About The Author
