Dowladda saliibiyadda ah ee Ingiriiska ayaa muwaadiniinta uga digtay inay u safraan dalal dhowr ah oo kuyaal qaaradaha Africa, Aasiya, Ameerika, bariga dhexe iyo Yurub.
Wasaaradda arrimaha debadda ee Ingiriiska oo digniintan soo saartay ayaa sheegtay in khataro kala duwan oo jira awgeed aysan dalalkaasi uga digayso muwaadiinteeda inay u safraan, waxayna khataraha isugu jiraan kuwa amni iyo xassillooni darro siyaasadeed oo dalalka qaar ka taagan.
Ilaa 31 waddan oo ay Soomaaliya ka mid tahay ayaa looga digay dadka u dhashay dalkaasi inay u socdaalaan, waxaana dalalkaasi ka mid ah Somalia, Ruushka, Belarus, Ukraine, Haiti, Yemen, Venezuela, Maali, South Suudaan, Myanmar, Libya, Syria, Jamhuuriyadda Afrikada dhexe, Kuuriyada waqooyi, Pakistan, Iraq, Nigeria, Iran dhulka Yahuuddu xoogga ku haystaan, Burkina Faso, Kosovo iyo kuwa kale.
Marka laga soo tago dalalka ay qalaalasaha siyaasadeed hareeyeen iyo kuwa colaadaha sokooye ka aloosanyihiin, waxay wazaaradda arrimaha debadda ee dowladda Ingiriiska si gaar ah farta ugu fiiqday Somalia oo ay sheegtay inay u safri karin muwaadiniinteeda sababo ku aaddan waxay ugu yeertay argagaxisinimo oo ay ula jeedo howlgallada mujaahidiinta Al-shabaab.
Waxay digniintani kusoo beegmaysaa xilli ciidamada mujaahidiintu howlgal Istish-haadi ah oo ay 14-kii bishan muxarram ka fuliyeeen kuliyadda Siyad ee magaalada Muqdisho ku dileen saraakiil reer galbeed ah oo qaabilsanaa tabobarka saraakiisha kooxda Riddada Soomaaliya.
About The Author
