Ugu yaraan 10 ka mid ah saraakiisha ciidamada millatariga saliibiyiinta Kenya ee KDF-ta ayaa dhaawacmay, kaddib markii ay shil baabuur ku galeen buundo kutaal waddada wayn ee xiriira ismaamullada Bomet iyo Narok ee dalka Kenya.
Wargayska The Star ee kasoo baxa gudaha Kenya ayaa tilmaamay in saraakiisha dhaawacyada qaba durbadiiba loo qaaday xarun caafimaad, gaar ahaan cisbitaalka Tenwek ee kuyaal Ismaamulka Bomet.
Taliska ciidanka booliska ee ismaamulkaasi , ninka lagu magacaabo Muusa Imamai Cumar ayaa warbaahinta maxalliga ah u sheegay in shilkaasi uu yimid kadib markii gaari xamuul ah oo siday saraakiisha ciidanka uu waddada ka baxay, taasina ay soo dedejisay in uu waddada ka baxo, isla markaana uu god ku dhaco.
Shilka kaddib waxaa lasoo wariyay in hakad uu ku yimid isku socodka dadka iyo midka gaadiidka, saraakiisha ammaanka ayaa sheegay in goor dambe ay fureen waddada, markii ay goobta ka daabuleen dhaawacyada saraakiisha Kenyaanka ah.
Sawirro goobta laga soo qaaday ayaa muujinayay gaariga xamuulka ee shilka galay oo loo sii jiidayo saldhigga ciidanka booliiska ee Ismaamulka Bomet oo ah halka uu markii hore ka baxay kuna sii jeeday ismaamulka Narok.
About The Author
