Waxaa halkooda kasii socda weerarada ay isku hayaan ciidamada dowladda shiicada Iiraan iyo maamulka gumeystaha Yahuudda, kuwaas oo gallaaftay nolasha dad badan oo labada dhinac kala taabacsan.
Inta la xaqiijiyay ugu yaraan 4 xubnood oo sahaayino ah ayaa lasoo wariyay inay ku dhinteen duqaymihii u dambeeyayh ee ciidanka Iiraan ku garaaceen deegaannada yahuudda la dajiyay, si gaar ah Xeyfa iyo Tel-abiib, halka sidoo kale lagu dhaawacay in ka badan 100 kale.
Gantaalladan ayaa ku guuleystay inay ka gudbaan nidaamka difaaca cirka ee maamulka Yahuudda, waxayna ku dhaceen gudaha magaalooyinka Tal-abiib iyo Xayfa.
Wargeyska lagu magacaabo Macaariif ayaa isaga oo soo xiganaya adeegga gurmadka degdegga Yahuudda xaqiijiyay in afar qof ay ku dhinteen weerarka u dambeeyay ee Iiraan ku garaaceen Xayfa iyo Tal-abiib, kooxahaas ayaana ka howlgalaya ilaa 4 goobood oo gantaalladu beegsadeen.
Dhanka kale, ciidanka Yahuudda ayaa war uu soo saaray ku sheegay in ay diyaarado dagaal oo adeegsanaya xog sirdoon ay beegsadeen xarumaha hoggaaminta taliska Faylq Al-Quds iyo ciidanka Iiraan.
Bayaanka ciidanka Yahuudda ayaa sidoo kale xusay in xubnaha Faylaq Al-Qudus ee la beegsaday ay xarumahaasi u adeegsanayeen hagidda weerarro ka dhan sahaayinada, isagoo intaas ku daray inay adeegsanayeen wakiillo ay ku leeyihiin Bariga Dhexe.
About The Author
