Kooxaha wax iska caabinta Falastiiniyiinta oo halgan adag kula jira ciidanka gumeystaha sahyuuniyiinta ee gudaha u galay Gaza, ayaa weeraro laayaan ah ku beegsaday ciidankan, waxayna 24-kii saac ee lasoo dhaafay dileen inka badan 10 askari oo ka tirsanaa ciidanka kiyaanka sahyuuniga.
Qoraal kooban oo kasoo baxay kooxaha wax iska caabinta Falastiiniyiintu waxay ku xaqiijiyeen in howlgal qorsheysan oo ciidandoodu ka fuliyeen mid ka mid ah guryaha ciidanka Yahuudda dhufeysyada ka dhigteen ee xerada Jabaaliya ay ku dileen ugu yaraan 12 askari oo sahyuuniyiin ah, muuqaallo ay soo bandhigeen ayaa sidoo kale muujinayay qaraxyo waawayn oo ka dhacaya guryaha ay ku sugan-yihiin ciidanka gumeystaha ee weeraradu beegsadeen.
Dhanka kale, ciidanka gumeystaha Yahuudda, ayaa maanta qirtay in weerar lagula beegsaday Jabaaliya looga dilay ugu yaraan 5 askari oo ka tirsan guutada 202-aad ee ciidanka sahaayinada, halka sidoo kalena ay waxyeello kala duwan soo gaartay 16 kale kadib markii lagu qarxiyay guri ay kaga sugnaayeen mandiqadda Jabaaliya ee waqooyiga Gaza.
Ciidanka gumeystaha ayaa si daran ugu dhiigbaxaya guryaha uu dhufeyyada ka dhigtay ee waqooyiga marinka Gaza, muuqaalladii ugu dambeeyay ee howlgalka Gaza ay kasoo saareen kooxaha muqaawamadu waxay muujinayeeb dagaalyahanada wax iska caabinta ah oo wacdaro ka dhigaya jiidda, si ba’ana u laynaya ciidanka uu maamulka Netanyahu 6 bilood ka hor gudaha usoo geliyay marinka, si ay usoo afjaraan kooxaha wax iska caabinta reer Falastiin, balse 7 bilood kaddib iyaga lagu ugaarsanayo jidadka iyo dhufeysyada ay kaga suganyihiin marinkaasi.
About The Author
