Faahfaahinno dheeraad ah ayaa laga helayaa weerar qarax ah oo saacadihii lasoo dhaafay ka dhacay deegaan hoos taga magaalada Kismaayo ee xarunta gobolka jubbada hoose ka dib markii ay shabaabul Mujaahidiin qarxiyeen ciidamo dhaqdhaqaaq ka waday duleedka magaaladaas.
Qaraxa oo ka dhacay inta u dhaxaysa deeganka Beerxaani iyo magaalada Kismaayo waxaa lala beegsaday kolonyo gaadiid ah oo ay la socdeen maleeshiyaadka Baangaraafta Ridada ee ay soo carbisay dowladda saliibiyadda ah ee Maraykanka.
Ujeedka dhaqdhaqaaqa maleeshiyaadkan waxa uu ahaa inay xero ciidan ka samaystaan deegaanka Jannaay Cabdalle balse inta aysan gaarin ayay la kulmeen weerar qarax ah oo ay u diyaariyeen dagaalyahannada xaq u dirirka ah ee shabaabul Mujaahidiin.
Qaraxa waxa uu gaystay khasaare lixaad leh oo gaaray ciidanka Danab ilo muhiim ah waxay xaqiijiyeen in qaraxaas uu galaaftay nolashada 14 askari oo ka tirsanaa maleeshiyaadka Danab halka ay ku dhaawacmeen 17 askari oo uu ku jiro sarkaal magaciisa lagu sheegay Maxamuud Aadan oo ku magac dheer (Hebel).
Ciidamada shabaabul Mujaahidiin waxay qaraxyadan fariidka ah ku burburiyeen 1 gaari oo nooca Cabdibilaha loo yaqaan, Waxay sidoo kale waxyeello xooggan soo gaartay gaari kale oo Cabdibile ah.
Maleeshiyaadkan sida tooska ah u hoos taga Maraykanka waxa uu ujeedkoodka socdaalkoodu ahaa inay saldhig millatari oo cusub ka samaystaan deegaanka Jannaay Cabdalle ee duleedka magaalada Kismaayo balse waxay mareen waddadii ay sannad ka hor qaadeen ciidamadii Huwanta ahaa ee ay horkacayeen ciidamada Maraykanka kuwaas oo camaliyadda nafhurnimo ah lagula eegtay deegaankaas, waxaana camaliyadaas ku nafwaayay saraakiil sare oo ameerikaan ah oo ka mid ahaa kolonyada cadowga ee camaliyaddu beegsatay.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
