Imaaraada islaamiga ah ee Afghanistan ayaa ka warbixisay daadad xooggan oo ku dhuftay wilaayaadka kala ah Baghlan, Badakhshan, Ghor, iyo Heraat, ee dalka Afganistan, halkaas oo ay ku shahiideen boqollaal qof oo muslimiin ah, halka inka badan kuna ay dhaawacyo kala duwan kasoo gaareen.
Hay’adaha gurmadka imaarada islaamiga ah ayaa warbaahinta maxalliga ah u xaqiijiyay in ugu yaraan 315 xubnood ay ku shahiideen daadadka ku dhuftay wilaayaadka dalkaasi oo ay ugu horrayso wilaayada Baghlan, halka sidoo kale ay dhaawacmeen 1,630 oo la la’yahay.
Daadadku waxay sidoo kale sababeen inay burburaan 665 guri, waxaa sidoo kale lasoo wariyay in daadadku gallaafteen nolasha in ka badan 1,000 neef oo xoolo ah.
Imaarada islaamiga ah oo ka jawaabaysa musiibada, ayaa howlgelisay diyaarado kuwa sida qumaatiga u kaca oo ay la socdeen ciidanka cirka, waxaa sidoo kale ciidanka imaarada ay u howlgalisay gurmadka ka mid ah ciidanka dhulka, kuwaas oo la arkayay iyaga oo daabulaya dadka shuhadada ah iyo dadka dhaawacyada qaba.
Sawirro iyo muuqaallo lagu faafiyay internet-ka, ayaa muujinayay gurmadka ay ciidanka mujaahidiinta ka sameeyeen deegaannada ay biyuhu kusoo rogmadeen, waxayna imaaradu soo saartay farrin tacsi ah oo ku socta dadka muslimiinta ah ee reer Afghan.
About The Author
