Weerar culus oo u muuqday mid si aad ah loo soo qorsheeyey ayaa lagu qaaday magaalada Mancherster ee wuqooyiga magaalada London caasimadda wadanka Ingiriiska, kaas oo lagu dilay laguna dhaawacay tobanaan ruux oo kasoo jeeda dalka Ingiriiska.
Warbaahinta Ingiriiska ayaa sheegaya in qof hubeysan islamarkaana watay suunka walxaha qarxa uu gudaha u galay hool uu ka socday Xaflad iyo Miyuusug oo ku yaala magaalada Macnchester.
Ugu yaraan 19 Ruux ayaa geeriyootay, halka 60 kalena ay dhaawacyihiin, waxaana la filayaa in dhimashadu ay sii kororto maadaama ay jiraan dhaawacyo halis ah oo yaala goobaha Caafimaadka.
War kasoo baxay dowladda Ingiriiska waxaa lagu sheegay in weerarkan uu yahay weerar “Argagaxiso oo argagax badanâ€, waxaana haweeneyda Ra’iiisul wasaaarada ka ah dalka Ingiriiska Trezy May ay tacsi u dirtay Ahallada dadka lagu gumaaday weerarkaas.
Ciidamada Booliisku waxay sheegeen in khuburo ku takhasusay walxaha qarxa ay kala fur fureen walxo qarxa oo la dhigay goobta ay xafladu ka socotay.
Sawirro iyo muuqaallo laga soo qaaday weerarka Mancshester waxay muujinayaan awoodda uu lahaa qaraxa la adeegsaday, iyadoona Goob joogayaasha qaar ay sheegeen in rasaas nool nool uu adeegsanayay qofka weerarka soo qaaday.
Haweeney ku jirtay hoolka uu Qaraxu ka dhacay ayaa iyadooo shocksan oo la hadleysya warbaahinta waxay shaaca ka qaaday iney jiraan dhimasho iyo dhaawac badan, balse iyadu ay nasiib lahayd soona badbaadey.
Waa weerarkii ugu khasaaraha badnaa ee dhawaantan ka dhaca dalka Ingiriiska, waxaana uu kusoo aadaya iyadoo dhawaan hogaamiye sare oo katirsan Al-Qaacida uu kaligii duulayaasha ku dhaqan wadamada Reer galbeedka uu ugu baaqay iney qaadana weeraro xoogan, waxana sidoo kale uu imaanaya iyadoo dowladda Ingiriiska ay mudooyinkii ugu dambeysay sheegeysay iney sare u qaaday heeganka dhanka amniga ah.
About The Author
