Wararka ka imaanaya gobolka Hiiraan ayaa sheegaya in maleeshiyaadka kooxda Ridada iyo kuwa Macaawisleyda ay isbaarooyin isku muuq muuqda soo dhigteen inta u dhaxaysa Matabaan illaa iyo beledweyne, waxaana tuulooyinka lagasoo diiwaangeliyay dhacdooyin fool xun.
Isbaarooyinku waa kuwa isku xiriirsan oo si qorshaysan loosoo dhigay dhammaan deegaannadii uu cadowgu ku qabsaday billaawgii xamladii ashahaadda ladirirka aheyd ee xasan gurguurte iclaamiyay sannadii 2022-kii.
Magaalada Beledweyne culimaa’udiinka iyo waxgaradka ayaa qeylladhaan afka furtay, waxayna ku baaqeen iskusoo baxyo looga soo horjeedo isbaarooyinka ay maleeshiyaadka murtadiintu u dhiganayaan gaadiidka iyo xataa dadka caadiga ah.
Arrimaha layaabka leh ee Hiiraan lagasoo diiwaangeliyay waxaa kamid ah in lacago baad ah lagu soo rogay dugsiyada qur’aanka iyo dadka caadiga ah ee lugaynaya, waxaana laga furanayaan moobillada iyo saacadaha.
Deegaannada kala ah Hees,Teedaan, Coomaad illaa iyo Moqokori waxay isbaarooyin u yaallaan maleeshiyada mooryaanta Macaawisleyda isugu yeera halka maleeshiyaad kale oo kooxda ridada si toos ah u hoostaga ay iyana isbaarooyin dhigteen ayna shacabka dhacayaan.
Saddaxdii bilood ee lasoo dhaafay dad ka badan 20 ruux oo dhammaantood musaafur ahaa ayay maleeshiyaadka murtadiinta ku dileen bariga Hiiraan.
Mid ka mida saraakiisha macaawisleyda oo warbaahinta la hadlay ayaa qiray in maleeshiyadooda ay isbaarooyin dhigteen balse ay cabasho uga timid bulshada.
Waxaa dhaboobay digniinihii ay aqoonyahanada Soomaaliyeed iyo hoggaanka dhaqanka ay ka bixinayeen maha-dhooyinka laga dhaxli doono dhismaha maleeshiyaadka macaawisleyda dabadhilifyada ah oo ay sameeyeen saliibiyiinta mareykanka iyo kooxda Riddada soomaaliya.
Xasan Gurguurte iyo wasiirro ka tirsan xukuumadda Xamza Cabdi Barre ayaa dhismaha maleeshiyaadkan u sameysan jiray suuq geyn, waxaana muuqata in maleeshiyaadkaas kooxda Riddadu maalgeliso ay qabanayaan shaqooyinkii loo igmaday oo ahaa dhibaateynta muslimiinta, waa maleeshiyaad astaantoodu tahay ashahadda ladirirnimo iyo fasaad idilkiis.
About The Author
