Wararka ka imaanaya magaalada Doolow ee gobolka Gedo ayaa sheegaya in maanta magaaladaasi uu iska hor’imaad xooggan oo khasaare kala duwan dhaliyay ku dhexmaray maleeshiyaad gadoodsan iyo kuwa daacad u ah kooxda Riddada Soomaaliya.
Iska hor’imaadka oo garoonka macmalka ah ka qarxay ayaa salka ku hayay xiisado maalmihii u dambeeyay ba ka taagnaa degmada Doolow, taas oo la xiriirtay dil arxan darra ah oo uu sarkaal ka tirsan kooxda Riddada Soomaaliya u gaystay wiil dhalinyaro ah oo ka mid ahaa wadeyaasha mooto bajaajta ee ka howlgala degmada Beledxaawo.
Goobjoogeyaal ayaa sheegay in dagaalka uu billowday, ka dib markii maleeshiyaad hubeysan oo ka gadoodsan dilka wiilkii dhalinyarada ay weerar ku qaadeen garoonka, halkaas oo lagu waday in laga dhoofiyo oo Xamar looga duuliyo sarkaalkii ka dambeeyay dilka wiilka.
Ilo wareedyo ku sugan Doolow ayaa xaqiijiyay in iskudhacyadii maanta halkaasi ku dhexmaray labada maleeshiyo uu ka dhashay khasaare kala duwan oo isugu jira dhimasho iyo dhaawac soo kala gaaray dhinacyada, Waxaana maleeshiyaadkii ku dhintay ka mid ahaa murtad magaciisa lagu soo gaabiyay ganey oo ahaa taliyihii amniga ee garoonka Doolow.
Sidoo kale waxaa la xaqiijiyay in dagaalladii maanta ka dhacay Doolow uu dhaawac kasoo gaaray murtad magaciisa lagu soo gaabiyay Sandheere, oo ah taliye ku xigeenka maleeshiyaadka sirdoonka kooxda Riddada Soomaaliya ee gobolka Gedo.
About The Author
