Khasaare kala duwan oo isugu jira dhimasho iyo dhaawac ayaa ka dhashay iska hor’imaad culus oo maanta gudaha magaalada Garoowe ee xarunta gobolka Nugaal ku dhexmaray maleeshiyaad ka wada tirsan murtadiinta, kuwaas oo isku haya arrimaha doorashooyinka.
Iska hor’imaadkan ayaa dhacay duhurnimadii maanta, waxaana bartamaha degmada Garoowe, gaar ahaan halka loo yaqaan barxadda uu ku dhexmaray laba maleeshiyo oo kala taabacsan maamulka Riddada Puntland iyo mucaaradka ee kasoo horjeeda, halkaas oo dhimasho iyo dhaawac ay ku noqdeen ugu yaraan 6 qof.
Hooyo saddex caruur ah haysatay ayaa lagu soo waramayaa inay ku dhimatay iska hor’imaadka, halka shan kalena ay soo gaareen dhaawacyo kala duwan, kuwaas oo dhaawacyadooda la dhigay xarumaha caafimaadka, sidoo kale waxaa lagu soo waramayaa in madaafiic ay dagaalkaasi u adeegsadeen kooxaha mucaaradka uu ku dhacay afaafka hore ee madaxtooyada maamulka Riddada ah ee Puntland.
Isku dhacan u dhaxeeyay maleeshiyaadka murtadiinta ee maanta ka dhacay degmada Garoowe ayaa kusoo beegmaya xilli madaxa maamulka ashahaada la dirirka ah ee isku magacaabay Puntland iyo kuwa mucaaradka ay isku hayaan qaabka loo maamulayo arrimaha doorashooyinka, xubnaha mucaaradka ayaa dhowaan weeraray hadal uu jeediyay Deni oo ku aaddanaa doorashooyin gaaleedka, iyagoo sheegay inaysan marnaba aqbali doonin sida uu wax u wado madaxa maamulkaasi.
About The Author
