Iska hor’imaad u dhaxeeyay maleeshiyaad ka wada tirsan murtadiinta, ayaa maanta ka dhacay magaalada Muqdisho, taasi oo uu khasaare kasoo gaaray dad shacab ah.
Israsaaseynta ayaa si gaar ah waxay murtadiinta ugu dhexmartay isgoyska Ex-control ee magaalada Muqdisho, waxaana uu iska hor’imaadkan yimid ka dib markii ay jidkaasi xirteen maleeshiyo gadoodsan oo ka tirsanaa Booliiska Riddada.
Isku dhacan ciidan ee dhexmaray maleeshiyada gadoodsan iyo kuwa kale oo isla Riddada ka tirsan ayaa sababay khasaare soo gaaray dad shacab ah, hal qof oo shacab ah ayaa la xaqiijiyay in uu dhaawac kasoo gaaray rassaasta ay is-dhaafsanayeen maleeshiyada murtadiinta.
Wararka qaar ayaa khasaaraha intaas ka badinaya wallow aan si rasmi ah loo xaqiijin, dad goobjoogeyaal ayaa warbaahinta gudaha u xaqiijiyay in muddo uu hakad galay isku socodka dadka iyo gaadiidka, kadib markii ay halkaasi la wareegeen maleeshiyada gadoodsan.
Muuqaallo lagu faafiyay baraha bulshada ayaa muujinayay in maleeshiyada koxda Riddada ee uu isku hor’imaadku dhexmaray ay rassaasta hoos ugu dhigayeen dadka shacabka ah ee ay ku dul-dagaallamayeen, waxay na taa keentay in lagu kala cararo isgoyska Ex Control Afgooye ee magaalada Muqdisho.
Iska hor’imaadyada hubeysan ee dhexmara maleeshiyaadka Riddada ayaa ku badan deegaannada ay gacanta ku hayaan Riddada, waxaana badi iska hor’imaadyadaasi dhibanne u ah dadka shacabka ah ee lagu dul-diiro.
About The Author
