Wazaaradda maaliyadda ee dowladda xabashida Itoobiya ayaa si rasmi ah u shaacisay in xukuumadda saliibiyadda ee fadhigeedu yahay Addis ababa ay inka badan 20 bilyan oo doollarka Maraykanka ah ku khasaartay dagaalladii xooganaa ee Axmaarada iyo Tigreegga ku dhexmaray waqooyiga waddanka Itoobiya.
Waziirka wazaaradan ninka lagu magacaabo Axmed Shide Maxamed, ayaa xaqiijiyay in dowladdiisu ay dagaalka gobolka Tigray ku khasaartay adduun lacageed oo dhan 1.5 Trailer oo Birrta Itoobiya ah una dhiganta 22 bilyan oo Dollarka Maraykanka, waxayna taasi ka dhigan tahay in 20.4% ay xukuumadda Addis ababa khasaartay wax soo saarkii guud ee Itoobiya.
Axmed Shide waziirka maaliyadda ee dowladda Itoobiya ayaa sidoo kale tilmaamay in dhamaan lacagahan ay yihiin kuwa ka baxsan lacagaha sida toos loogu shubay dagaalka, inkastoo uusan carrabaabin halka ay sida gaarka ah ugu baxday lacagtan, Waxa uu sido kale tilmaamay in lacagahaan ay ka baxsanyihiin khasaaraha dhimasho iyo midka dhaawaca ah.
Isagoo sii hadlayay ayuu xusay in dagaalladii ay dowladdiisu ka gashay gobolka Tigray ay sababeen khasaare lixaad leh oo gaaray kaabeyaasha muhiimka ah ee gobolkaasi Tigray, isagoo xusay inay dib u dhisi doonaan dhismeyaashii ku burburay dagaallada.
Arrintan uu daaha ka fayday waziirka maaliyadda ee dowladda saliibiyadda ee Itoobiya ayaa kusoo beegantay, xilli dadka dadka Itoobiyaanka ay aad ula daalaa dhacayaan dhaqaale xumo baahsan, dhaqaalaha waddanka ayaana hoos u dhacay tan iyo wixii ka dambeeyay markii ay dagaalladu ka qarxeen guud waddanka Itoobiya, waxaa taa usii dheer sicir bararka baahsan ee sida wayn u sameeyay guud ahaan dadka xabashida ah, waxayna tani sababtay in qiimaha lacagta birta ah ee laga isticmaalo waddankaasi uu ku yimaad hoos u dhac aad u daran.
About The Author
