Maleeshiyaad hubeysan oo kasoo jeeda qowmiyadda Canfarta, kacdoon millatarina kula jira dowladda Ridada ah ee Jabuuti, ayaa maanta soo saaray warsaxaafadeed ay kaga hadlayaan weerar hubaysan oo ay ku beegsadeen ciidamo ka tirsan dowladda Jabuuti oo ku sugnaa magaalada Al-daa’uudiyyah oo u dhaw magaalada Dakhla ee u dhow xuduud beenaadka uu dalkaasi la wadaago Itoobiya.
Warsaxaafadeedka kasoo baxay jabhaddan oo lagu magacaabo (FROUD), waxay ku sheegeen inay weerar kula wareegeen saldhig ciidamo ka tirsan dowladda Riddada ah ee Jabuuti ay ku leeyihiin deegaanka Dakhayl.
Waxay sidoo kale jabhaddan canfarta ah daabacday sawirro muujinaya qaraxyo ay ku beegsatay gaadiid ay leedahay dowladda ,bayaankeeda ma aysan ku caddayn inta uu la egyahay khasaaraha ciidanka iyo dowladda jabuuti kasoo gaaray weerarada ay fulisa.
Maleeshiyaadka (FRUD) waa jabhad hubaysan oo kasoo jeeda qowmiyadda Cafarta, waxayna markii ugu horraysay soo muuqdeen xiligii ay colaaddu ka dillaacay Jabuuti intii u dhaxaysay 1991 ilaa 1994, taas oo ay ku dhinteen kumaannan qof, colaadda ayaana dalkaasi ka socotay muddo saddex sano ah.
Waxaa xusid mudan in maleeshiyada jabhadan ay dhaqdhaqaaqyadooda joojiyeen, kaddib markii ay howlgal ballaaran kala kulmeen ciidamada dowlada Riddada ah ee Jabuuti, balse markan ayay si lama filaan ah dib usoo laabteen, boorkana ka jafeen weeraradooda ka dhanka ah dowladda, oo uu ugu dambeeyay weerarkan hubeysan.
About The Author
