Wararka ka imaanaya duleedka magaalada Jowhar ayaa sheegay in gaari dagaal oo ay la socdeen saraakiil iyo ciidamo dowladda Ridada katirsan uu rogmaday waxaana ku dhintay inta badan dadkii gaariga la socday.
Goob Joogayaal ayaa sheegay in gaari Cabdi Bile oo kasoo amba baxay garoonka diyaaradaha Jowhar uu shil ku galay meel ku dhow magaalada Jowhar waxaana ku dhintay sarkaal sare oo katirsan ciidamada Dowladda ee Sh/dhexe ka howlgala.
Mukhtaar Jareer oo ahaa taliye sare iyo ciidamo ilaala u ahaa ayaa la xaqiijiyay in ay ku dhinteen shilka waxaana sidoo kale ku dhaawacmay sarkaal kale, Mukhtaar Jareer ayaa dhowaan kasoo kacay dhaawac kasoo gaaray weerar dhabbagal ah oo Al Shabaab ugu dhigtay duleedka degmada Balcad gaar ahaan deegaanka Gololeey.
Sarkaalka shilka ku dhintay ayaa kamid ahaa Mooryaantii caanka ka aheyd magaalada Muqdisho xilligii hoggaamiya kooxeedyada wuxuuna taliye u ahaa Maleeshiyaad isbaaro utiillay isgoysyada Fagax,Siisii illaa iyo xaafadda Sanca balse markii uu Kooxda Ridada uu madaxweyne unoqday Murtad Shariif Sheekh Axmed ayuu kamid noqday ciidamada dowladda qeybta Sh/dhexe.
About The Author
