Shirkadaha Shisheeye ee xoogga ku heysta xeebaha magaalada Muqdisho ayaa dhibaato ugeystay Kaluunka dhax ceegaaga badda Soomaaliya.
Kumanaan kun oo Kalluun bakhti ah ayaa lagu arkay xeebta magaalada Muqdisho gaar ahaan hareeraha saldhigga Xalane oo saldhig u ah ciidamada shisheeyaha AMISOM iyo hay’adaha Ajnabiga ah ee ku lugta leh duullaanka Soomaaliya lagusoo qaaday.
Kalluumaysato ka jillaabta xeebaha ayaa soo sheegay in ay arkeen Kalluun badan oo daadsan xeebta kaas oo loo badinayo in lagu sumeeyay badda gunteeda, sawirro lagasoo qaaday xeebta ayaa muujinayay kalluun badan oo dhulka daadsan waxaana loo badinayaa in lasumeeyay.
Agaasimaha guud ee Wasaaradda Kallumeysiga DF Maxamuud Sheekh Cabdullahi ayaa warbaahinta u xaqiijiyay in kalluunkaas uu ku soo caariyey xeebta u dhaw xeradda Xalane, islamarkaana aysan jirin meel kale oo lagu arkay taas oo ka dhigan in shirkadaha shisheeye ay Badda Sun ku qubeen.
Kalluumaysatada Soomaaliya ayaa arrintan laxiriirinaya shirkado DF-ka ay heshiis kula gashay in ay ka jallaabtaan badda kuwaas oo marmarka qaar isticmaala sun halis ku ah noolaha badda ku dhaxjira.
About The Author
