Dowladda Saliibiyadda Kenya ayaa mar kale walaac xooggan ka muujisay dhaqaale la’aanta baahsan ee dul-hoganaysa duullaanka macatab-ku-dirirka isbahaysiga AUSSOM ee lagu soo qaaday dalka Soomaaliya.
Taliye-xigeenka Ciidanka Difaaca Kenya, Murtad Maxamed Xasan, ayaa si weyn uga qaylo-dhaamiyey fashilka hareeyey AUSSOM, mar uu dhawaan ka qayb-galay shir ay isugu yimaadeen taliyeyaasha millateriga ee waddama ay ciidamadoodu qaybta ka yihiin hawl-gallada millateri ee urur-gaalleedka Qaramada Midoobay.
Shirkan oo maalmo ka hor ka qabsoomay caasimadda Hindiya ee New Delhi, ayaa teliye-xigeenka ciidamada Kenya uu si gaar ah ugu nuuxnuuxsaday wewerka ay dawladda Kenya ka qabto dhibaatooyinka dhaqaale ee hareeyey hawl-galka AUSSOM.
Murtad Maxamed Xasan, waxa uu si cad u sheegay in maal-gelin la’aanta soo food-saartay hawl-galkaan ay si weyn u wiiqayso awoodda ciidamada calooshood-u-shaqaystayaasha AUSSOM, sidaas darteed-na aanay u babac-dhigi karin dagaalka ay kula jiraan Mujaahidiinta Al-Shabaab.
Qaylo-dhaantan kasoo yeertay taliye-xigeenka ciidamada Kenya ayaa qayb ka noqonaysa werwer badan oo maamulka Saliibiga ah ee Nairobi iyo weliba dowlado kaleba ay tiraba dhowr jeer oo hore ka muujiyeen fashilka amni iyo midka dhaqaale ee hareeyey hawl-galka AUSSOM, oo haatan qarka u saaran in gebi ahaanba uu burburo.
About The Author
