Munaasabad ballaaran oo ka dhacday magaalada Madiina Al Munawarah ayaa xarigga looga jaray khad cusub oo dhanka Tareennada ah oo isku xiro doono magaalooyinka waaweyn ee dhulka Xarameynka.
Salmaan Bin C/Caziiz oo ah Boqorka dabadhilifka Dowladda Sacuudiga ayaa sheegaya in la dhameystiray dhismaha Tareen casri ah oo isku xiri doona illaa Afar magaalo oo ay kamid yihiin Makka iyo Madiina.
Dhismaha Khadkan oo qandaraaskiisa ay qaateen laba shirkadood oo laga leeyahay wadamada Shiinaha iyo Spain waxaa ku baxay lacag Balaayiin dollar ah wuxuuna dhismihiisu socday muddo lix sanadood xiriir ah sida uu sheegay wasiirka gaadiidka dowladda Aala Salool.
Tareenkan casriga ayaa ku fadhiya masaafo dhan 450 Km wuxuuna isaga kala gooshi doonaa magaalooyinka kala ah Makka,Madiina,Jedda iyo magaalada Boqor Cabdalla ee dhanka dhaqaalaha.
About The Author
