Dagaal ooge Khaliifa xaftar oo dhabar jab weyn lagu gaarsiiyay dagaalka ka holcaya wadanka Liibiya ayaa ugu dambeyntii ku dhawaaqay in uu udhega nuglaaday baaqdyada caalamiga ah ee ku boorinaya ka qeyb galka dadaallada dib uheshiisiinta.
Xaftar oo kulan kula qaadanayay magaalada alqaahira Cabdi Fataax alsiisi madaxweynaha dalka Masar ayaa sheegay in uu diyaar u yahay dhammaan wadahadallada ladoonayo in lagusoo afjaro dagaalka Liibiya.
Si aan horay looga baran wuxuu ugarab raariciyay xabad joojin aan wax shuruud ah ku xirnayn iyo in uu heshiis awood qeybsi ah lagalo xukuumadda ay beesha caalamka aqoonsantahay ee Alwifaaq taas oo isbuucyadii ugu dambeeyay awoodeeda melleteri iyo mideeda siyaasadeed ku faafinaysa dalka Liibiya.
“waxaan cadeynaynaa in aan aqbalnay dadaallada nabadda ee caalamku ku doonayo in liibiya ay noqoto meel nabad ah,sidoo kale waxaan ogolaanay heshiis xabad joojin bilaa shuruud ah” sidaas waxaa cabdi fataax alsiisi ka hor yiri Jeneraal xaftar.
Dhawaqa kasoo yeeray jeneraalkan guuldarrooyinka melleteri lasaaxiibka ah ayaa loo fasirtay go’aan ay ku qasbeen isbedellada dhanka maamullada ah ee Liibiya ka jira.
About The Author
