Wararka ka imaanaya ismaamulka Narok ee dalka Kenya ayaa sheegaya in kooxo hubeysan oo loo maleynayo burcad ay weerareen saldhig ciidan oo kuyaal Angata Barrikoi oo ka tirsan ismaamulka Narok.
Kooxda ayaa lasoo wariyay inay burburiyeen saldhigga ciidan waxay sidoo kale qaateen qlaab muhiim ah oo saldhigga yiillay, halka ay burburiyeen dhismeyaal ku yiillay gudaha saldhigga.
Warbaahinta Kenya waxay sheegtay in dableyda weerarka ka dambeysay ay weerarka qaadeen kaddib markii ay ka war heleen in saldhigga ay baneeyeen ciidankii Booliiska Kenya ee ku sugnaa.
Ciidanka GSU-da loo yaqaan ee dowladda saliibiyadda Kenya ayaa la wariyay inay degganaayeen saldhigga la weeraray, waxayna xoguhu tilmaamayaan in ciidankaasi la raray labada bishan May ama maalinimadii Jumcaha.
War kasoo baxay Booliska ayaa lagu sheegay in burcadda ay kasoo gudbeen xadka u dhexeeya degmooyinka Narok iyo Migori, kadibna ay galeen gudaha saldhigga booliska ee la banneeyay, islamarkaana burburiyeen dhismayaashii ciidan ee halkaas ku yiillay, waxayna qaateen birihii dhismeyaasha iyo qalab kale oo muhiim ah.
Waxay tani kusoo beegmaysaa xilli ismaamulka Narok maalmihii dambe laga soo sheegayay weeraro ay gaysanayaan kooxaha burcadda, kuwaas oo lasoo wariyay inay dhowaan gubeen dhul beereed baaxad leh.
Dhowaan ayay ahayd markii 6 xubnood lagu khaarajiyay halka kuwo kalena lagu dhaawacay kadib iska horimaad ay dadka deegaanka la galeen booliska, dhacdadaasi ayaana la xiriirtay muran dhuleed.
About The Author
