Khasaara lixaad leh ayaa ka dhashay musiibooyin rabbaani ah oo ku dhuftay qaar kamid ah gobollada ugu muhiimsan ee dalka Mareykanka waxana musiibooyinkaas ku barakacay malaayiin qof American ah.
Wararka ka imaanaya Mareykanka ayaa sheegaya in ugu yaraan 89 qof ay dhinteen halka dad ka badan 2.5 milyuun oo qof ay isaga carareen guryahooda kadib markii ay duufanata Helen ay cagta marisay magaalooyin iyo degmooyin dhowr ah.
Duufaanta ayaa wadata dabeyllo xooggan iyo roobab mahiigaan ah, illaa 5 gobol oo ay ugu daranyihiin Faloorida iyo South Korolayna ayay dabeysho halaag daran ka geysanaysaa sida ay sheegeen saraakiisha gurmadka degdegga ah ee dowladda saliibiyadda Mareykanka.
Duufaantan aadka u xooggan ee lagu magacaabo “Helen” ayaa ka mid ah duufaannadii ugu burburka badnaa ee soo marta dalka Mareykanka labaatan sano gudahood. musiibadan ayaa sababtay roobab xoogdhan laga soo bilaabo gan, daadad, iyo dhul-googo, taasoo burbur xoog leh u geysatay bulshooyinka gaalada ee ku dhaqan gobollo ay kamid yihiin Florida ilaa North Karolina.
Saraakiisha gurmadka degdegga ah waxay sheegeen in ay soo saareen meydadka 89 ruux islamarkaana raq iyo ruux lala’yahay dad kabadan 1,000 qof waxaana loo badinayaa in dadkaas ay dhinteen kadib markii ay ku hafteen daadadka biyaha ee ay sababeen roobabka mahiigaanka ah.
Muqaallo lagu faafiyay baraha bulshada ayaa muujinayay duufaanta oo burburiysay kumanaan guri islamarkaana xaaqday magaalooyin dhan.
Khasaaraha maaliyadeed ee ka dhashay duufaantan ku dhufatay shanta gobol ayaan weli latirakoobin waxaase lasaadaalinayaa in khasaaruhu ka badan yahay 100 bilyan oo dollar.
About The Author
