Waxaa saacadihii lasoo dhaafay ka dhacay magaalada Rafax ee koonfurta Marinka Qasa dhacdo argagax ku noqotay maamulka gumeystaha yuhuudda, kadib markii kumannaan Falastiiniyiin ah ay ku qulquleen xarun gargaar ah oo ay hirgelisay shirkad Mareykan ah oo taageerta ciidamada Yuhuudda.
Sida ay sheegayaan warbaahinta sahaayinada iyo ilo maxalli ah, waxaa la arkayey kumannaan qof oo filistiiniyiin ah oo jabinaya darbiyada xaruntan, maadaama halkan ay ku keedsanaayeen raashin iyo agab kale oo muhiim ah shirkadana ay u keentay cadawga gumaadaya iyaga.
Shaqaalaha shirkadan oo halkaas ku sugnaa xilliga dhacdada ayaa si hal_haleel ah meesha loogala baxsaday, waxaana xigtay in shacabka reer Qaza ay si aad ah u daabushaan wixii halkaas yiilay intiisa badan, haba ugu horeysee cunada iyo daawooyinka muhiimka ah.
Xaaladan waxay ka dhalatay go’doomin iyo gaajada ka jirta marinka Qasa mudaayinkii lasoo dhaafay, iyadoona sahaayinada ay isku hor gudbeen jid walba oo ay filistiiniyiintu ku heli lahaayeen gargaarka nuucyadiisa kala duwan.
Waxaana xigtay iney Rafax ka dhacaan wax dunida ay la amakaagtay, sahaayinadii halkaas ka ag dhaweydna ku qasabtay iney lafohooda la baxsadaan maadaama aysan awoodin xakameynta shacabka intan la eg ee naftooda difaacanaya.
About The Author
