Wararka laga helayo degmada Laascaanood ee xarunta gobalka Sool waxey sheegayaan in duleedka degmadaasi uu ka dhacay shil gaari oo sababay khasaara nafeet iyo mid hantiyadeed.
Shilka ayaa yimid kadib markii uu rogmay gaari Noha ah oo si xowli ah ku socday,waxa uu gaarigan rogmaday kasoo baxay magaalada Gaalkacyo ee xarunta gobalka Mudug kaasi oo ku sii jeeday dhanka magaalada Hargeysa ee xarunta gobalka Waqooy Galbeed dalka Somalia.
Gaariga rogmaday waxaa la socday dad hal Qoys ka kooban,waxeyna warar la helay sheegayaan in Qoyskaas Arimo caafimaad ay ugu sii jeedeen dhanka magaalada Hargeysa,waxeyna Qoyska la socday gaariga rogmaday ka koobnaayeen Hooyo iyo Saddex Ruux ay dhashay.
Inta la xaqiijiyay qoyskaasi ka kooban Afarta ruux waxaa ka dhintay Saddex ruux halka midka Afaraad uu soo gaaray dhaawac culus waxaana la dhigay isbitaalka magaalada Laascaanood,waxeyna dadka deegaanka Shilkan gaari sabab uga dhigeen gaariga oo si xowli ah ku socday wadadana ka baxay sidaasna uu ku rogmaday gaarigaasi.
Calamada.com
About The Author
